САЛДАТ ГУ ДОРЫН

Кадыс шутёвтӧ-мунӧ.
Гажтӧм гу дорад мем:
Вӧлі другъясным уна,
Лыда ловъяыс эм.

Коді войнасӧ веніс,
Сылысь кусӧдіс би,
Колим тані и сэні
Вель нин этшаӧн ми.

И ме на лыдысь лоа,
Кодлӧн топыд на сыв,
Аслам туй помӧдз воа,
Сьыла став сьыланкыв.

Овны кӧсйӧмсӧ грекнас
Эн жӧ лыддьыв ӧд тэ...
Воськов водзӧджык сэк на
Верми усьны и ме,

Муӧ грыпкысьны-лясны
(Тэысь мӧд шуд эз пет), —
Тупкин-сайӧдін аснад,
Меным усьны эн сет.

Сійӧ воськовсянь кымын
Вуджи туй — лыд ни тшӧт!
Мед рейхстагсӧ ас синмӧн
Аддзи тэ пыдди тшӧтш.

Ставсӧ артмӧдім. Тайӧс
Некод тӧдтӧг оз ов,
Мыйысь дзордзалӧ майыс,
Мыйысь дзордзалӧ лов.

Сідзкӧ, эг вӧлӧй ныжӧсь,
Мирсӧ перйим кӧ сэк.
Сӧмын тэ водзын мыжӧс
Ӧнӧдз кыла на век.