ПЕТІ ШАХТАЫСЬ

Вой. Петі шахтаысь. И енэж,
Яр кодзувъяснас югзигтыр,
Зэв бара нимкодьӧдӧ менӧ,
И ыркыдлунсӧ юа дыр.

Ме муна асылыслы паныд,
Ог вештыв тундра вылысь син.
Кыдз быттьӧ во эг вӧв ме тані,
Эг аддзыв во чӧж лымъяин.

Кыдз быттьӧ янсавлі ме сыысь
Эг квайт час кежлӧ сӧмын, эг,
Эг кывлы турӧбавлӧм сылысь,
Эг тӧдлы чарӧмалӧм эрд.

И кымӧрсӧ, и чизыр тӧвсӧ,
И террикониксӧ эг тӧд.
Лӧз тшын со гартчӧ — и оз ӧвсьы.
Тшӧтш сійӧ ӧні быттьӧ мӧд.