* * *

Кор ми ёрткӧд воча волам,
Вӧйпам бара ӧтитор:
Мыйла джӧмдылӧмӧн олам?
Ӧткӧн кывзам олӧм гор?

Эг кӧ ышмӧй сэк ми эськӧ —
Корсим принцӧс сэсь и тась,
Ӧта-мӧдлы этша эским, —
Эз вӧв тальӧм туйыс дась.

Пӧди, омӧльӧсь ми — со и
Ас коддьӧмыд эз тай шед.
Али век на война вояс
Тӧдчӧны и мем, и тэд?

Сэки чорзьӧдлім ми сьӧлӧм:
Некод шонтысь эз вӧв тан.
Уна дзескӧдӧмыс вӧлӧм.
Век на чайтлім, вӧтӧдам.

Кадыс кывтіс визув шорӧн,
Олӧм туйысь вӧтлім шог.
Сӧмын казялімӧ сёрӧн —
Гажтӧм ӧткӧн оланног.