ЛЕНИНЛӦН СТАТУЯ,
КОДӦС ЛЭПТІС СКУЛЬПТОР ПАТЦАИ

Здук сайын колан кывйыс сюрис сылы,
И сыкӧд вензьысь сійӧс оз нин вен, —
И, со тай, — ньӧти абу монумент,
А вождь, код сюся видзӧдӧ нин ылӧ.

Сэн, ылын, шызьӧм войтырыслӧн горыс,
Гӧрд знамяяс и пулемётъяс сэн.
Пӧсь кабырас нин кепкаыс. «Вай эн,
Эн личӧдчӧй. Зэв ӧні кадыс чорыд», —

Вождь шуӧ налы, коді тайӧ здукас
Важ площадь вылӧ петіс, кодкӧд юкис
Быд шог и гаж, мед ӧтвыв лоны пыр.

Сы чукӧстӧмлы войтыр кӧ эз эскы,
Эз эськӧ, чепъяс жугліг, лёксӧ дзескӧд
Да сыкӧд помӧдз мун да важсӧ зыр.