КАЗЬТЫЛА ӦТИ МОРТӦС

Пӧсь, дзӧрысь пальмаяслы бара долыд
Карибса васӧд тӧвкӧд меліасьны,
и шуа, мый сьӧд синма войтыр пӧвстын
Марти век вӧлі медся сюсьӧн татӧн,
и ыліысь, и матысь сійӧ аддзис.
Мартилӧн ӧнӧдз видзӧдласыс ӧзйӧ,
сідз ломзьӧ, кыдзи-й сэк — оз чусмӧд кадыс,
сы видзӧдласӧн — видзӧдӧ том Куба...
Сэк мездлуныслысь лаврсӧ вӧлі сьӧкыд
тан быдтыны — скӧр, шуштӧм енэж улын,
и вӧтӧн кывны мездлунсӧ эз позь сэк,
код оліс сыӧн — смертьлы мунліс воча.
Но коньӧръясӧс тышӧ лэптіс мортыс —
да ловъясныссӧ югыдлунӧн тыртіс.
Ас сямлуннас, ас генийнас, ас вирнас
выль кыа бӧръя выныштчӧмӧн ӧзтіс.