МЕМ ВОЙНА УСИС ВӦТӦН...

Мем война усис вӧтӧн кольӧм вой.
Мадьяръяс муналісны война вылӧ;
И вирӧсь меч, кыдз быттьӧ вӧвлӧм дой,
Сэк киысь киӧ ветлӧдліс нин, кылӧ.
Дзик быдӧн, коді вермысь на да ён,
Меч водзын сувталісны, тонӧсь;
Ог деньга зильгӧм видзӧй, кыдзи дон, —
Ас мездлуннымлӧн рӧм — со медшӧр доныс.
Сэк вӧлі буретш миян кӧлысь лун.
А сыысь, нылук, мый нӧ дженьыд лолӧ?
Ас му вӧсна мед усьны, торки ун,
Мем войшӧр войӧ косьӧ петны колӧ.
Збыль, кӧлысь лунӧ вочаавны смерть, —
Зэв шуштӧмтор, тадз вежӧрта ог ӧтнам.
Но кось кӧ лыбас, сэктӧ муна, дерт,
Кыдз тӧрыт косьӧ петі вӧтнам.