![](/sites/all/themes/biblio/img/pause.png)
![](/sites/all/themes/biblio/img/down1.png)
![](/sites/all/themes/biblio/img/down.png)
![](/sites/all/themes/biblio/img/down3.png)
![](/sites/all/themes/biblio/img/left.png)
![](/sites/all/themes/biblio/img/right.png)
СЬЫЛӦ ИТТАСаридзӧ мытшасьӧ тундралӧн дор, Радейта валъялысь саридзлысь гор. Радейтысь сьӧлӧмӧн овны — Саридзсьыс, сідзкӧ, не повны. Саридзыс тундракӧд окасьӧ кор, Лунъюгыд войыс тай сылы оз сор. Радейтысь сьӧлӧмӧн овны — Вой шӧрысь, сідзкӧ, не повны. Вал весьтын калялӧн горзӧмыс нор, Нормӧдлӧ сьӧлӧмӧс тшӧтш рытладор. Радейтысь сьӧлӧмӧн овны — Нормӧмысь, сідзкӧ, не повны. Калялы сюрас на водз либӧ сёр, Сюрас на калялы, дерт, корсянтор. Радейтысь сьӧлӧмӧн овны — Корсьӧмысь, сідзкӧ, не повны. Калялӧн лэбӧмыс сэтчӧдз оз ор, Кытчӧдз веж саридзлысь кыла ме гор. Радейтысь сьӧлӧмӧн овны — Лэбӧмысь, сідзкӧ, не повны.