МОХЧА ЧОЙ ЙЫВСЯНЬ ЛЫЗЬ ТУЙЫС ВОЙӦДӦРаиса Петровна СметаниналыМарт 8 лун кузя чолӧм кыв пыддиМохча чой йывсянь исковтіс Раяным — Лэптӧм лым бус сэк гартчис на дыр. Водзӧ нюжаліс лызь туй да-й саяліс, Ылі финишӧ чуксалігтыр. Ӧшинь-синъяснас видзӧдӧ школаным: Куйлӧ ас чужан му гӧгӧрбок. Ылӧдз нималысь йӧзыс кӧ олӧны, Нималуныс эз аснас ӧд лок. Колӧ сьӧлӧмнад збыль вылӧ ломавны, Туйсӧ мукӧдлы тыдӧдны мед. Тэнӧ ошкӧмысь менӧ оз вомавны — Сыысь аттьӧ, землячкаӧй, тэд! Ӧти школалӧн вевт улысь лэбзьылім, Эг кӧть ӧттшӧтш сэн бордъясьӧй ми. Олӧ, тӧдӧмысь, пытшкӧсад дзебсьытӧг Сэтчӧс войтырӧн пестылӧм би, Кодӧс, кыдз кӧть оз вой тӧвъяс швачкыны, Он на кусӧд, он пӧдты, он вен! Лышкыд тундраын чужлӧм землячкалӧн Зарни лызь туйыс эстӧн и сэн. Нимкодь кайны и мем тӧдса чойӧдыс, Эг нин вӧвлы тан некымын во... Мохча чой йывсянь лызь туйыс войӧдӧ, А став мирыслы тыдалӧ, со!
