* * *И. М. Вавилин паметьлыЭн жӧ, Лӧкчим ю, сьӧлӧмӧс ылӧд — Кытчӧдз индӧма, керъяссӧ кылӧд, Мед и визувлӧн гартола визьыс Найӧс сибдӧгысь-ляскӧмысь видзис. Вӧрыс, кывтысьыс, тӧдліс на сійӧс, Баяркерӧсса крестьянин пиӧс, Коді сэк на том сьӧлӧмнас кыліс Чужан войвывсӧ, аскисӧ сылысь, Коді раминик ю дорас эстӧн Ассьыс сьылансӧ вӧлі нин пестӧ. Вӧрыс кывтӧ — и зургасян шысьыс Тайӧ кывбурлӧн визулыс кысис, Быттьӧ век на тат томлуныс ветлӧ Татчӧс вӧр-ваысь петлӧм поэтлӧн.
