НӦШТА КЫДЗКАР ЙЫЛЫСЬ

Пӧсь сьӧлӧмӧйлы долыд сійӧн,
Тшӧтш сыысь югыд менам нэм,
Мый эм бур свет вылас Россия
И Кыдзкар нима сиктыс эм.

Печора дорса сиктыс тайӧ —
Мен колан туй визь ликтысь пас:
И гортын нимкодьлунсӧ вайӧ,
И ылын йӧзын сійӧ ас.

И сэтӧн лёклуныс на олӧ,
Оз сӧмын шудлун ветлы-й сэт,
Но витнан мылькнас лэптӧ лолӧс
Да усьны сьӧлӧмӧн оз сет.

Кӧть кӧн ог ло ме — матын, ылын,
Но, сиктыс йылысь думӧн тыр,
Ме быттьӧ сы моз жӧ тшӧтш вылын,
Ас йӧзлы тыдалана пыр.