МЕД И СЭН МУРТСА ЗЭРЫШТАСМосква дорын со зэрӧ. А сэтӧн, Виска вад весьтын, буситӧ оз, Кор, бригада, сэн тывъясьны петан Сьӧмйӧн серласьысь саридзӧ моз? Москва дорын со зэрӧ. И думнам Татчӧс зэр пырыс тыдалӧ мен Пыжныд вевдорті кымӧрлӧн шуньгӧм, Дзодзӧг котырлӧн ӧттшӧтшъя шен. Москва дорын со зэрӧ. Но кылӧ Ньӧжмӧм пелыслӧн дзурликтӧм сэсь. Руыс, дэльӧдчиг, лэптысьӧ вылӧ, Мед не бовъявны уліті весь. Москва дорын со зэрӧ. А тіян Керсьӧ пӧльяслӧн лӧсьӧдлӧм удж. Ӧвтчӧ пелысь ас ломзьӧдӧм биӧн. Эз-ӧ тіянлы ярлуныс вудж? Москва дорын со зэрӧ. Но шедны Шедас чериыд, — кыдз нӧ оз шед? Мед и сэн муртса зэрыштас, мед нӧ — Кыйдӧс водзын кӧ, зэрыштас мед.
