ГӦЛУБӦЙ КӦСЫНКА КОСИНКА
Рита садьмис лэбачьяс сьылӧмысь. Сійӧ зілис дум вылӧ уськӧдны, кутшӧм бур вӧт аддзыліс, мыйла сэтшӧм долыд сьӧлӧмыслы. Но вӧтъяс разалісны асъя ру моз. Рита саймис ракаэз да чавканнэз гайзӧмсянь. Сія мӧдіс уськӧтны тӧдвылас, мый жӧ сэтшӧм бурсӧ да мичасӧ вӧтасис узикас, мыля сэтшӧм долыт да кокнит ӧні сьӧлӧм вылас. Но вӧтыс вуніс, рознитчис, дзик кизерик туман. А шонділӧн рамыник югӧррес нюлӧны чужӧмсӧ, гильӧтӧны голясӧ, и нывкалӧ кажитчӧ, бытьтӧ сійӧ малалӧны мамыслӧн шоныт киэс, кӧдна боссьӧмась шӧмтӧм ырӧш да йӧв дукӧн.
И друг дум вылӧ уси: со тай тумбочка вылас куйлӧ тӧрытъя телеграммаыс. Та вӧсна, дерт, и ун йывсьыс нимкодясис! Но мыля жӧ талун сэтшӧм гажа асылыс, мыля сідз радуйтчӧ Риталӧн сьӧлӧмыс? И казяліс тумбочка вылісь лӧзкодь бумажка.
Федя воӧ талун. Телеграмма! Федясянь телеграмма: сійӧ вайисӧ тӧн рытнас.
Унсӧ быттьӧ киӧн босьтісны. Водзын дыр виччысян шуда лун. Сӧмын тай вот ывлаас чавканъяс да сьӧд ракаяс шызисны. А найӧ горзӧны поводдя тшыксьӧм водзын. Сьӧлӧмыс вӧрзис, но Рита вӧтліс юрсьыс тайӧ думсӧ: небесаас кымӧртор абу, кутшӧм вермас лоны гым-зэр? Прӧста сідзи равзӧны мисьтӧм чужӧмъясыд. Нывкалӧн сразу онзільыс ӧшис, бытьтӧ ваӧн сы кузя койыштісӧ. Вот и локтіс сія луныс, кӧдӧ сы дырна видзчисис Рита. Только вот рака табуныс ӧддьӧн ни шумитӧ. Не весь этӧ, сідз и тӧд, зэр лоас. Сьӧд борда кай пессьӧ непогодь одзын. Дзугыльтчисмоз нывкалӧн сьӧлӧмыс, дугдіс токӧтны сідз радӧн, но Рита сэк жӧ макнитіс кинас: ась пӧ карзӧны сьӧдкуллез асланыс юр вылӧ. Да кытшӧм, поди, зэр, кӧр ӧтік кымӧрок оз тыдав?
Рита бырс-чеччис вольпасьысь. Быд ныв тӧдӧ, мый свиданиеыд — абу шутка. Электрическӧй плита вылын кудритчансӧ шонтӧм бӧрын сійӧ зіля кудритіс юрсисӧ кӧсичаяссьыс да та бӧрын нин котӧртіс мыссьыны. Рита чапкис шебрассӧ, чеччис да тэрмасьӧмӧн пондіс пасьтасьны. Быд нывка тӧдӧ, что пантавны зонкаӧс, кӧдӧ любитан, абу кокнит. Сідзкӧ, колӧ лӧсьӧтчыны. Рита котрасис миссьыны, сыбӧрын плитка весьтын шонтіс кӧртовӧй ручка да каттис сы вылӧ пельбокись лэдзчисьӧм пилиммесӧ.
Бӧр пыригӧн нывъяс олісны нин. Налы эськӧ пӧттӧдз узьны да нежитчыштны вӧскресенньӧ асывнад, но кыдзи узян, кор пӧдруганыс мунӧ свидание вылӧ. Ӧд быдса кык во жӧниксӧ виччысис армияысь! Сэтчӧ и подружкаэс саймисӧ. Узьны бы нылӧ кресенняас дыржык, нежитчыштны мымдакӧ, но позьӧ я туплясьны ольпасьын, кӧр подружка мунӧ пантавны ассис сьӧлӧмшӧрсӧ! Не шутка эд — кык год зонкаӧс армияись видзчисис!
Ӧти вӧзйис пӧдругаыслы ассьыс выль чулкисӧ, мӧд — еджыд босоножкисӧ, коймӧд зілис вӧччӧдны. Ассьыс Рита пасьталіс сӧмын еджыд вӧня гӧлубӧй платтьӧсӧ, кодӧс лӧсьӧдіс рытнас на. Ӧтік вӧзйӧ Риталӧ часы, мӧдік тшӧктӧ пасьтавны ассис платьесӧ, куимӧт сетӧ виль туфлиэз — быдӧнныс пасьтӧтӧны бы нывкаӧс бытшӧмика и каждӧйыс ас мознас. Рита только киэзнас ӧвтӧ: нем оз ков. И пасьталӧ платьесӧ ассис, голубӧйсӧ, кӧдӧ лӧсьӧтӧма эшӧ рытсянь.
Катя, Риталӧн бур подружка и городскӧй морт, перво быд ладорсянь видзӧтӧ нывкалісь паськӧмсӧ, сэсся тшӧктӧ мыччавны и пиннесӧ, кыдз нія весӧтӧмӧсь.
— Рита, петкӧдлы, кыдзи весалін пиньястӧ, — корис Катька. — Эн вунӧд, нюмъялігад пиньыд — медся главнӧйыс. — Сӧстӧм пиннез, — велӧтӧ Катя, — шыннялікӧ медважнӧйӧсь. И краситӧм тырппез... Эн вунӧт эта йылісь.
Катька — медся тшап да танцуйтысь, сылысь позьӧ не веритны. А нюмъявнысӧ Рита сылӧн велӧдтӧг бура кужӧ: муртса вӧрзьӧдас вомдоръяссӧ, а банбокъясас гуранторъяс нин — «долыд ваш», кыдзи шулывліс Федя. Катя — модница. Сія и пасьтасьӧ бура, и йӧктӧ ас мознас — быднёж пиньласьӧ. Сылісь сярзьӧмсӧ позьӧ и не кывзыны. А шынньӧлыс Риталӧн и сідз бытшӧм: кыдз серӧмтчас, сідз и гӧпоккез лоасӧ ӧм дорас — серӧмтуссез, кыдз шуис нійӧ Федя. И тырппес зэв рӧмаӧсь, дзик жельнӧг цвет.
Со и ставыс дась. Но вот Рита и готов, позьӧ мунны ни.
— А носӧвикыд! — горӧдіс Катька. — А чышьяноктӧ босьтін? — юалӧ Риталісь Катя.
— Ой, збыль ӧд! — Ой, Катька, вунӧті эд!
Рита уськӧдчис чемодан дорӧ, восьтіс и места вылас кынмис... чемодан пельӧсас туплясис Катькалӧн газӧвӧй кӧсынкаыс — став педучилищеын дзик ӧти татшӧм кӧсынка, кодӧс вайліс Москваысь. Рита кыскис джодж шӧрас чемодан, осьтіс сійӧ и сыліс местаас: медвевдӧрас куйліс голубӧй косинка. Жырын шы эз ло, только кыліс, кыдз ӧшын увтын дзингисӧ мошшез — кошшисӧ нектар.
Сійӧ вошис кымынкӧ лун сайын. Корсисны-корсисны, да некысь эз аддзыны. Катька весиг бӧрдіс. И со вошӧмторйыс сюри... Рита чемоданысь. Рита мӧдіс бӧр игнавны чемодансӧ, сайӧвтны басӧк косинкасӧ йӧз синсянь, да эз вермы и чуньӧн вӧрзьӧтны, бытьтӧ кикоксӧ кинкӧ гезӧн кӧрталіс. Да мый дзебан, кӧр быдӧнныс казялісӧ ни косинкасӧ? И, конечно, сразу тӧдісӧ. Сійӧ эз позь не тӧдны — сэтшӧмыс педучилищеын вӧлі ӧтік только Катялӧн. Ӧшис косинкаыс неважын. Сэк дыркодь шумитісӧ нывкаэс, споритісӧ неетша, а Катя нельки горзіс — косинкасӧ Москваись вайлӧма. Сідз и эз вермӧ тӧдны, кытчӧ сія лоис. И вот адззисис. Адззисис Рита чемоданын.
Рита лэптіс кӧсынкасӧ да мыччис кӧзяйкаыслы: Ыш ловзисис Рита, кыдзкӧ полӧмӧн, дзик калитчӧм кӧрт, босьтіс косинкасӧ да нюжӧтіс Катялӧ:
— Катя, босьт... Ме тэныд ставсӧ висьтала. — На, дзимляв, сыбӧрын быдӧс висьтася.
Катя босьтіс, зывӧка вежыньтіс вомсӧ да пинь пырыс сӧдзӧдіс: Катя примитіс косинкасӧ, нюмыртіс паськыт тырппесӧ и пинь пырйӧттяс шуис:
— Висьтавтӧг ставыс гӧгӧрвоана... Ок тэ, корин кӧ — сеті, — и сійӧ петіс комнатасьыс. — Мый ни ӧні висьтасьны? И сідз вежӧртана... Эх тэ! Корин бы, дак ачым сеті, — и чывкнитіс-муніс Рита одзӧт ыбӧсланьӧ, чуть кок чуннесӧ подружкаыслісь эз таль.
Нывъяс шӧйӧвошӧмӧн вӧтчисны сы бӧрся. А Рита, весиг эз пов платтьӧ чукрасьӧмысь, уськӧдчис крӧвать вылӧ да горӧн бӧрддзис. Сы бӧрсянь юрнысӧ ӧшӧтӧмӧн петісӧ и мӧддэс. Рита, дзик ӧшӧм, гӧгӧртіс размӧд жырсӧ да уськӧтчис кыминь аслас кровать вылӧ.
Платтьӧсӧ сійӧ гладитіс тӧрыт. Рытнас нарошнӧ ветліс уборщица Фимушка ордӧ, коді оліс педучилище общежитиеын жӧ. Ӧні сія эз берегит нӧитчӧмсянь не воротничоксӧ не платьесӧ, кӧдӧ сідз бура утюжитіс тӧн уборщица Фима ордын.
Пьянник-верӧсыс эновтіс сійӧс: вербуйтчис да муніс кутшӧмкӧ ылі стройка вылӧ, колис нёль челядьӧс. Медыджыдсӧ Фимушка иналіс школа-интернатӧ, а мукӧдъяскӧд мырсис ачыс. Общежитиеын идрасьӧмысь кындзи сійӧ песласис, гладитчис, мед кӧть кыдзкӧ-мыйкӧ бергӧдчыны. Асывнас став завтракыс — куш пызан вылӧ нянь тупӧсь, кодӧс горш челядь кияс пыр и чашъясны. Юмов да чӧскыдторъяс йылысь нинӧм и сёрнитны. Корсюрӧ сӧмын кампетӧн да преникӧн челядьӧс чӧсмӧдлісны нывъяс, кодъяс частӧкодь пӧльзуйтчывлісны Фимушкалӧн утюгӧн. Фима оліс эта жӧ керкуын, улісь этажас. Вӧлі сылӧн жӧник, да муніс кытчӧкӧ ылісь стройка вылӧ, колис инькасӧ нёль челядьӧн. Медыджыт нывсӧ Фима сетіс школа-интернатӧ, а мӧддэсӧ, кыдз вермис, ачыс быдтіс. Ваяс куш пызан вылас нянь да похлёбка — вот нылӧ и ӧбед. Мукӧд велӧтчиссес, кӧдна ваявлісӧ Фималӧ песласьны, сюйыштлісӧ челядь киэзӧ то кӧвдӧм, то пряник, то конфетка.
Кыдзи и пыр, Фимушка тӧрыт песласис, а челядьыс лэдзалісны гадьяс. Вот и тӧн Фима вӧлі мышкыртчӧма ӧр весьтӧ, а челядь орсісӧ: медучӧтыс кыскасис джоджын, а ыджытжыккес идзас тылӧп понісь лэдзалісӧ поллез. Лабичын ордчӧн матегкӧт куйліс нянь шӧрӧм. Сійӧ боёка то ӧтыс, то мӧдыс кӧс чуннезӧн чеплялісӧ челядь и сюйисӧ ӧманыс.
Рита тэрмасьӧмӧн гладитіс платтьӧсӧ да кӧсйис мунны, но немвиччысьтӧг аддзис: ӧти нывка тӧбӧ газӧвӧй кӧсынкаӧн лӧскутысь вӧчӧм кукла. Рита утюжитіс платьесӧ и кутчис ни ыбӧс вуг бердӧ, да казяліс, кыдз нылочка каттьӧ голубӧй косинкаӧ трепичись керӧм аканьӧс.
— Таюша, кытысь тайӧ тэныд? — юаліс Рита. — Таню, тэ кысь этӧ? — косинка вылӧ мыччалікӧ юаліс Рита.
Нывка кыв эз удит шуны — уськӧдчис сы дінӧ мамыс, шлюп-шлёпкерис да лёкысь равзіс: Нылочка и ӧмсӧ эз ешты осьтны, кыдз сы вылӧ уськӧтчис мамыс, буткис кулакнас лопаткаэс коласӧ да нетшкӧвтіс кисис косинкасӧ.
— Коді тэныд тшӧктіс босьтны? Мыйла босьтін?! — Кин тэнӧ тшӧктіс вӧрӧтны! — чирзіс Фима. — Мыйлӧ чувьян?! Рита кыскис ас дынас нылочкасӧ, кӧдалісь мамыс грӧзитчис пиньӧвтны юрсӧ, и юаліс:
— Тётя Фима, — шӧйӧвошӧмӧн юаліс Рита. — Кытысь тіянлы тайӧ кӧсынкаыс? Сійӧ ӧд Катялӧн. — Тётя Фима, кытісь тэ сійӧ адззин? Эта эд Катялӧн.
Фимушка жӧдзис, ещӧ ёнджыка мӧдіс видчыны ныв вылас, а сэсся лигышмунӧмӧн пуксис гладиттӧм белье чукӧр вылӧ, кӧсынкасӧ шыбитіс Рита кок улӧ да бӧрддзис. Сы туйӧ, медбы видзны ответ, Фима пуксис пеславтӧм паськӧм груда вылӧ и горзӧмсорӧн пондіс норасьны аслас умӧль олан вылӧ. Сія висьтасис артавтӧм жӧникыс йылісь, орӧм-киссьӧм паськӧм йылісь, тшыг челядь
Рита нем эз шу паныт: не эз винит этӧ винерик инькасӧ, не эз дорйы, не эз ӧв. Кыдз тшын пыр нывка адззис лӧзӧтӧм ныра дулльӧсь мужикӧс, кӧда пасьтӧг чеччаліс лым столаын да ошкис ассис начальниксӧ бур магарыч понда. Усис тӧдвылас код песня:
Раз-здайся, нар-род, Меня пляс-ска берет!..
— Ыджыдыслӧн чужан лун... Ӧтнас ӧд сэні, некод нинӧм оз мыччы, — бӧрдіс-лыддьӧдліс нывбаба. — Со и бесыс дзугис. Некор гӧн чир некодлысь эг босьтлы... Да и оз ков, оз ков меным йӧзыдлӧн! — немвиччысьтӧг бара заводитіс горзыны сійӧ. — Босьтӧй! Виньдӧй! Но, мый сувтін? — Фимушка ырыштчис Рита вылӧ. — Мун, мун ӧні, норась! — Нимлун медыджытыслӧн, — висьтасис Фима одзлань.— Ӧтнас эд сэтчин, интернатас, айтӧм-мамтӧм... И пыстӧм ем некӧр эг вӧрзьӧтлы, а вот дявыс, тыдалӧ, чувйыштіс, — и бӧра пондіс горӧтлыны: — Да и оз ков, оз ков меным чужӧйсӧ!.. Мый нӧ синнэтӧ барӧтін? Мун, мун норась, ась ньылыштасӧ менӧ!
Сійӧ сюйыштіс кӧсынкасӧ падмӧм Риталы киас да тойлаліс комнатасьыс. Фима сюйыштіс косинкасӧ Рита киӧ и тойлаліс сійӧ ыбӧс сайӧ.
«Мый нӧ тайӧ татшӧмыс? — думайтіс дзикӧдз шӧйӧвошӧм ныв. — Мый нӧ ӧні вӧчны?» «Мый жӧ эта сэтшӧмыс? — думайтіс ӧтӧрас ӧшӧм Рита. — Мый ӧні керны?»
* * * * * *
«Мый нӧ вӧчны?» — синваӧн кӧтӧдӧм юрлӧссӧ сывйыштӧмӧн думайтіс сійӧ ӧні. «Мый ӧні керны, мый керны?» — шушкис Рита горзӧмсянь вамӧм подушкаӧ.
А ракаясыд век жӧ тунъялӧмаӧсь гым-зэртӧ, зэр сяркӧдіс муӧ, пу коръясӧ, рака позъясӧ. А ӧтӧрын, дзик ведра понісь, кисьтіс крут зэр. Сія вартіс стена кузяс, гывьяліс бусӧсь ӧшыннэсӧ, миссьӧтіс пу листтэз да кӧтӧтіс рака поззэз. Сётаки не весь карзіс рака чукӧрыс...
Висьталіс кӧ пӧдругаяслы ставсӧ тӧрыт жӧ... Катька эськӧ, дерт, пыр и котӧртіс комендант дорӧ, лэптіс шум училище пасьта. А вӧтласны Фимушкаӧс — кытчӧ сылы воштысьны? Оланін ни удж. Ӧтнас кӧ, мед, а челядьыс... И висьтавны оз позь и не висьтавны оз позь. А сэні ещӧ Федяӧс встретитны колӧ. Рита куйліс кровать вылас и эз тӧд мый керны. Ежели бы тӧн жӧ висьтавны, кыдз аркмис. Но Катя бордпавйӧн бы котӧртіс комендант дынӧ, лэбтіс шум. А вашӧтасӧ Фимасӧ, кытчӧ сія мунас? Не удж, не оланін оз ло. Ӧтнас бы вӧлі, дак эшӧ, а челядьнас... И суськыны оз туй, и не суськыны тожӧ. А сэтчӧ эшӧ Федяыс локтӧ.
Сідзи рытнас Рита нинӧм эз вермы думыштны, кӧсынкасӧ сюйис чемоданас: аслас юр вылӧ асылӧдз эновтчис. Вот-вот лоас учительницаӧн, а сійӧс вӧровкаӧн нимтасны. Сэтшӧм характеристика гижасны — тюрьмаӧ вӧзйысян, да сэтчӧ оз лэдзны... Сідз Рита и водіс тӧн, нем бурсӧ эз вермы думайтны. А косинкасӧ чемоданас чапкис: ашын пӧ мыйкӧ кера. Вот и видзчисис ашынсӧ. Эшӧ ӧддьӧнжык делоыс гардчис. Лэбас слава: Рита гусясьӧ. И самӧй экзаменнэс одзын! Эшӧ бы не забедно вӧлі, ежели первӧй годас. А то ашыння велӧтісь — и нате. Сэтшӧм характеристика сетасӧ — тюрьмаӧ пондан ёркӧтчыны и то оз лэдзӧ. Э-эх!.. Дак мый жӧ, примитны славасӧ, терпитны эттшӧм позорсӧ?
Мый нӧ, век жӧ мунны висьтавны? Не дзугны жӧ ассьыс олан туйсӧ. Федя, радейтана уджыс — ставыс прӧйдитас. Фимушка — некытчӧ туйтӧм морт, а челядьыс мыйӧн мыжаӧсь? Рита жӧ том, ӧтка, сійӧ аддзас олӧмас места... Мый лоанаыс мед лоас. Али мунны директор дынӧ и висьтавны веськыта? Колӧ ветлыны. Нем тшыкӧтны том олансӧ. А то ыскӧвтас счастьеӧ бокӧттяс: и Федя, и любимӧй удж, и гаж — быдӧс ӧшас. Вӧлись и каитчы, кукуйт ӧтнат, кыдз кӧк вӧр пыдӧсын. Но сётаки... Ась Фима умӧль морт, а челядьыс? Нія не виноватӧсь. Нылӧ колӧ гаж да пӧт олан. А Рита эд том и ӧтнас, сія кӧть кӧр адззас местасӧ оланас. Светыс паськыт, и бур отир быдлаын эм. Колӧ норовитны. Мый лоас, сія и ло.
Дзуркнитіс ӧдзӧс. Рита чеччис вольпась вылысь да муніс ӧшинь дорӧ. Пырисны кӧ пӧдругаясыс, бурджык не аддзыны налысь чужӧмъяснысӧ. Посӧдзын небурика дзуркнитіс ыбӧс. Рита чепӧссис кровать вылісь и сувтіс ӧшын одзас, ыбӧсланьӧ бӧрӧн. Пырасӧ кӧ нывкаэс, буржык лоас, ежели не видзӧтны ныланьӧ, не пантасьны ны синнэзкӧт. Сідз абужык стыд.
Гымавны дугдӧма нин, но бокланьын ӧшалӧ на сьӧд кымӧр, му вылӧ гылӧдӧ бӧръя зэр войтъяс. Зэрны дугдӧма, ӧтӧрын мича да гажа. Осьта ӧшынӧт кыссьӧ ыркыт руок. Ыджыт зэр дзик томмӧтӧм да ӧддьӧнжык зеленитӧм пуэсӧ. И ӧні, кӧр пуэс чапкисӧ вывтсиныс чалӧй буссӧ, нія нежитчӧны да чӧскыта сунасьӧны шонді югӧррез увтас. Только чуть-чуть дрӧжитыштлӧны тополь листтэз да ӧті-мӧділаын усялӧны незьдӧм му вылас ва воттез: тёп, тёп, тёп...
Друг кодкӧ сывйыштіс нылӧс пельпомӧдыс. Рита крута бергӧдчис да аддзис бӧрдӧм синъяса Фимушкаӧс. Риталісь кинкӧ малыштіс юрсӧ. Нывка бергӧтчис: одзас сулаліс Фима. Сылӧн синнэс гӧрдӧтӧмась горзӧмсянь, но ӧні абу лӧгӧсь, кыдз тӧн, и югьялӧны, дзик стекляннӧй доноккез.
— Комендант ордад ме вӧлі. Чайті тэ важӧн висьталін сылы ме йылысь. А сійӧ менӧ тэ дорӧ ыстіс: кор, шуӧ, вӧровкасӧ, колӧ выселитны, пӧдругаясыс оз кӧсйыны овны сыкӧд. Кыдзи, шуа, выселитны? Нёль во велӧдісны, а ӧні выселитны. Выселитны кӧ — менӧ выселитӧй. И ме висьталі, кыдзи вӧлі делӧыс. Ме пакӧститі, ме и кывкута... — Вӧлі ме комендантыс ордын, — юӧртіс Фима. — Думайті, важын ни юртӧ вердін. А сія менӧ тэ дын ыстӧ: кор, шуӧ, воровкасӧ, репйыны колӧ сійӧ. Подружкаэс, шуӧ, сэтшӧмыскӧт оз пондӧ овны. А ме сылӧ паныт: кыдз, мыся, репйыны? Нёль год велӧтіт, деньга видзитӧ, а ӧні репйыны? Ежели сідз, мыся, дак менӧ вашӧтӧ. Сэтчӧ и винитчи ме, висьтаси вӧлись... Ме босьті — меным и вежтісьны. Ачым эд сьӧд кымӧрсӧ — эттшӧм грозасӧ — кори. Да не лёк, тыдалӧ, тулысся кымӧрыс: эз гымав, эз вирдав, а только буссӧ кӧтӧтіс. Подружкаэт жалейтісӧ менӧ, чапкӧмсӧ. Ковсяс пӧ, дак быдӧс комсомолсӧ лэбтам, челядя инькаӧс ог сетӧ вӧтьны. Вӧв нёль кока, и то джӧмдалӧ. Порука пӧ видзамӧ.
Рита жмитіс Фимасӧ ас бердас. Кыдз жӧ сія вермис не надейтчыны отир вылӧ, кӧднакӧт ӧтлаын юӧ-сёйӧ, кӧднакӧт олӧ ӧтік крыша увтын и ветлӧтӧ ӧтік туй кузя? Фимаӧс умӧлик мортӧн лыддис, нывкаэзсянь поліс, Федя йылісь думайтіс, что осудитас.
Не, батя, не сэтшӧмӧсь нія, кыдз Рита думайтіс, — буржыкӧсь, добрӧйӧсь, и кӧть кӧр готовӧсь отсавны мортлӧ.
* * * * * *
Иньва дорын гуляйтӧны кыкӧн: гож водзын едждӧм гимнастёркаа том зон да гӧлубӧй платтьӧа ныв. Ю дорись туёк кузя мунӧны кык морт: голубӧй платьеа нывка да быгалӧм и вежӧтӧм паськӧма солдат.
Паныт нылӧ котӧртӧны нывкаэз. Нія локтісӧ татчӧ тшӧтшкӧравны да ӧктыны цветтэз, и, конечно, нылӧ охота видзӧтыштны асланыс счастливӧй подружкалісь другсӧ.
Чӧскыд кӧрӧн ӧвтӧ сынӧдыс, гораа дзользьӧны кайяс, зэр бӧрын небесаыс сӧстӧм. Сӧмын му помасянінас — ичӧтик, кокньыдик кымӧр пласт, дзик быттьӧ газӧвӧй кӧсынка. Чӧскыт, ма дука, видз весьтас руыс, гора да гажа кайезлӧн дзульзьӧмыс, сӧстӧм зэрбӧрся небоыс, дзик голубӧй чышьян. Только ылын-ылын, кытӧн небоыс ӧтлаасьӧ вӧр зеленькӧт, ӧшалӧ руд кымӧрок, учӧтик да кокнитик, кыдз шёлковӧй косинка.
Сӧмын сійӧ и казьтылӧ ещӧ регыдик кежлӧ волысь гым-зэр йылысь, коді ӧні муніс пермяцкӧй парма весьтті. Только сія и уськӧтӧ тӧдвылӧ зэра кымӧрсӧ, кӧда неважын повзьӧтліс отирсӧ аслас лӧг мурзьӧмӧн.
Комиӧн
Комиӧн (Перым ногӧн) гижис
Климов Василий Васильевич