РУСЬ

Чужан енэжлӧн
Тувсов рӧм улын, —
Аддза — паськыд степ
Бара вежӧдӧ.

А степ дорышас,
Кымӧр вевдорын,
Великанъяс кодь
Джуджыд гӧраяс.

Степті, морелань,
Юяс шлывгӧны,
И дзик быдлаӧ
Туйяс нуӧны.

Эстӧн, лунвылын,
Няня ыбъясыс,
Быттьӧ сук камыш,
Гыӧн ветлӧны;

Небыд туруна
Видзьяс пласьтнитчӧм,
Виноградыс сэн
Кисьмӧ садъясын.

Сэтӧн, войвылын,
Шуштӧм эрдъясын
Еджыд пух кодь лым
Гартчӧ-бергалӧ;

Лэптӧ морӧссӧ
Чим лӧз мореыс,
Еджыд гӧра кодь
Йи сэн ветлӧдлӧ.