ЗБЫЛЬ ӦД БОРДЪЯММИН...

Тэнӧ лэбачлы не ордйыны,
Лэбалан тэ ачыд.
Збыль ӧд, пиукӧй, тэ бордъяммин,
Вылӧ-вылӧ качин.

Кор тэ ичӧт вӧлін,
Сэки на мам сьӧлӧм
Тӧдіс, мыйӧн лоан.
Ачыд гӧгӧрвоан.

Лэб вай кузяла и вомлала,
Енэжным — ок, паськыд!
Сӧмын враглы сійӧс томлалім,
Друглы — восьтам асьным.

Лэб да тӧд, мый чужны сяммылім
Шуда кодзув улын.
Тэ ӧд пи ас рӧднӧй мамыдлӧн
Да и Сӧвет мулӧн.

Тэнӧ лэбачлы не ордйыны,
Тыдалан мен эстӧн.
Муртса довкнитышт тэ бордъяснад
Чужан керка весьтын.

Кор тэ ичӧт вӧлін,
Сэки на мам сьӧлӧм
Тӧдіс, мыйӧн лоан.
Ӧні гӧгӧрвоан.