ВОКЪЯС ОРДЫН

Код сэні дасьтӧ ёртасьӧмлы тас?
Мем, майбыр, сійӧс кокни ӧні венны:
Ме другъяс пӧвстын, вокъяс пӧвстын тан.
И Злата Прага нюмъялӧ тшӧтш меным.
Кыдз пармаын, тан гажлуныс оз чин,
И Влтава ю моз лӧня кывтӧ сёрни.
И ме тан абу лишнӧй гражданин,
И ёрта-ёртлы огӧ вермӧ сорны.
Оз, чешскӧй «просим, пшатель» оз вун нэм.
И дузъявны да шогӧ вӧйны — тан мӧй!
А думыштла да, тешкодь лолӧ мем,
Мый менам кывйӧй тані — иностраннӧй.