БӦРЫНЬТЧЫНЫ СЁР НИН

Гижны йӧйыд заводитлі коркӧ.
Тайӧ гажыс войся унмӧс торкӧ.
Такӧда кӧть: «Артмас на ӧд, часлы»,
Сорлывла и йӧзыслы и аслым.

Ичӧтӧс талансӧ енмыс сетлӧм —
А вот йӧз моз вӧчны кӧсйӧм петлӧ.
Мыйкӧ оз кӧ пузьы, босьтчӧ ныжа —
Ачым жӧ и бара сыысь мыжа.

Мыжа тшӧтш и тӧдтӧм войтыр водзас,
Кодкӧд, гашкӧ, некор ог и вочась.
Дугда кӧ ӧд — оз жӧ эськӧ ёрны.
Но и бӧрыньтчыны, вӧлӧм, сёр нин.