ТӦДАН!

Радейтан — быттьӧкӧ мунан йи дорышӧд.
Видзчысь, мед оз пӧръяв йиыс...
Кымынлысь радейтчӧм войнаыс орӧдіс,
Кымынлысь пасьвартіс сійӧ!
Мыйла нӧ тэкӧд ми бара ог лӧсялӧ
Ӧні, кор овны да овны?
Али нӧ тэнӧ ог радейт нин пӧся ме?
Али нӧ рушмис нин ловным?
Кыдз, кодлысь коръяссӧ
вой тӧлыс шпорӧдӧ,
Меным моз дона и тэныд.
Кутшӧм нин лёк ру
тан миянӧс торйӧдӧ,
Мый ӧта-мӧднымлы пемыд?
На пыдди тшӧтш, кодъяс
кадысь водз кусісны,
Сьӧлӧмӧн ӧзйыны мӧда.
Ӧтнадтӧ, ӧтнадтӧ
Нимтылі мусанас.
Тӧдан!