* * *

А. Ванеевлы

Ми тэкӧд, другӧ, войнаводзса петасъяс,
И ӧні векджык думыштчывлам ми:
Ок, кутшӧм донӧн мирсӧ найӧ перйисны,
Код вуджис да код кусӧдіс лёк би!

Мӧд думӧн-тӧждӧн талун найӧ олӧны,
Но нэм кежлас, дерт, колис война пас —
Кӧть сӧмын вӧтӧн сэкся кадас волӧны,
А перйӧм мирыс налы медся ас.

Ог быдӧнӧс кӧть нимтӧй ми геройясӧн,
А сьӧкыдлуныс ставлы вичмис сэк.
Странанымлы пеж врагӧн вӧчлӧм дойяссӧ
Оз вунӧдны и помнитасны век.

Победа лунсянь ылысмам и ылысмам,
И ветеранъяс пӧрысьмӧны. Но 
Сӧдз майся лунсӧ аддзам
быттьӧ выльысь ми,
И донъялӧмным содӧ воысь-во.