НЕКЫТЧӦ ОН МУНМыйла пӧръявны асьтӧ, Мый быттьӧкӧ шуда тэ век? Лёкыс лёк ру кор дасьтӧ, И зумышӧн овлан тай сэк. Дойыс сьӧлӧмад инмас — Оз шудысь куш ӧддзывлы вир. Видзӧд олӧмлы синмас, — Мед сӧвестьыд бӧрын эз йир. Шудыс овлӧ и пода, Оз помся «Ракетаӧн» кат. Миян весьтын — эпоха, А шуны кӧ прӧстӧя — кад. Сійӧ гора и гортӧм, Но пальӧдӧ Му шарлысь ун. Чужин му вылас мортӧн — И некытчӧ сыысь он мун.
