АЧЫС ОЛӦМЫС...

Ачыс олӧмыс мыччӧдӧ каднымлысь збыль,
Кыдзи мичсӧ и мисьтӧмсӧ мыччӧдӧ ывла.
Мен и нимкодь, и долыд,
мый пармаӧй выль,
Мый ме тан разнӧй сёрниа войтырӧс
кывла.
Коми мойдкывкӧд йитчӧ тан
рочьяслӧн сказ,
Украинаса мовалы * шыасьӧ свейки *,
Белорусъяслысь сцягсӧ * тшӧтш
лэптӧма кад,
И татарскӧй рахмат *
чужан кывйӧс оз дзескӧд.
Сьӧлӧм — сьӧлӧмлы воссьӧ,
народлы — народ.
Йӧз кост ёртасьӧм. Мый сыысь
мичаджык сюрӧ?
Оз ӧд весьшӧрӧ сӧвмы
бур дружбалӧн роз:
Сійӧ кыпӧдӧ ловтӧ да ышӧдӧ бурӧ.
Вояс тӧвзьӧны-гургӧны — сӧстӧмӧсь пыр, —
Накӧд миянлы быд сикас мытшӧдсӧ венны.
Ӧтвыв кӧсйӧмӧн менам выль пармаӧй тыр:
Мед жӧ быд кывъя войтырын
олӧ пыр Ленин.