* * *

Некыдз ог вермы помӧдз гижны висьт:
Оз шогмы сійӧ, сэсся тайӧ строка...
И радейтчӧмыс бара коли бокӧ,
А сытӧг сьӧлӧм уджавны оз лысьт.

Ар ывла вылын, чышкӧ киссьӧм кор
Дзор юра коньӧр пелькӧдысь ас йӧрын.
Пыр зумыш, быттьӧ ӧткӧн олысь вӧрын,
Ӧтдортчӧ — оз и шыась, кора кор.

Мудз оз и тӧдлы кӧдзыд арся зэр,
Век виччысьтӧма усьласьӧ йӧз вылӧ.
Кӧть тӧдӧ бура: нем оз артмы сылӧн
И гажтӧмтчытӧдз миянӧс оз кер.

Ӧд нимкодя кӧ меным нюмъёвтан,
Сэк гыӧр сылас, бара кыптас лолыд.
И сьӧлӧм вылын лоас нӧшта долыд,
Кор матыстчан да пӧся окыштан.