* * *

Ив. Тороповлы

Он радейт, другӧ, кодӧс сюрӧ...
И сідзи вӧч вай нэм.
А йӧзлы вӧчны бурӧс, бурӧс — 
Мый сыысь бурыс эм?

Тэд аслыд лёкыс сюрліс тадзи,
Со тадзи сюрліс! Но — 
Кыдз овны шытӧг, овны надзӧн — 
Он куж, он гӧгӧрво,

Он кӧсйы — со кыдз колӧ шуны!
Мед кадыс тӧвзьӧ, мед, — 
Тэд радлун ас вывтіыд нуны
И шогсӧ нуны тэд,

И тӧдны олӧм горкӧд ладсӧ.
Но медым чиніс шог,
Вай кутам тэрмӧдлыны кадсӧ,
А арлыднымӧс — ог!