ТӦВЗЬӦНЫ СО ВӦВЪЯС


Тӧвзьӧны со вӧвъяс вӧлӧсть шӧрӧд,
Грымӧдӧны — кокув муыс вӧрӧ.
Сӧмын тшын-бус бӧрвыланыс кайӧ.
Тувсов войлы радӧсь быттьӧ найӧ.
Ланьтӧм сиктсӧ оз пуктыны пыдди,
Гӧрдлӧмнаныс висьталӧны быттьӧ:
«Миян ӧмӧй збодерлунным бырис?
Мый кӧть ӧні техникаыд тырыс, — 
Сылысь вынйӧр арталӧны, тӧдам,
Миян вынӧн, вӧв вынӧн — оз мӧдӧн».
Кодлӧнкӧ нин катшысыс со увтӧ,
Увтӧмнад, дерт, вӧвъястӧ он сувтӧд.
Юрнысӧ тай лэптӧмаӧсь вылӧ,
Грымӧдӧны — муыс сыркакылӧ.
Видз выв страдна кадӧдз прӧстӧсь ӧні,
Гожӧмыслы паныд котӧртӧны.