ТЭРЫБ ЮСер. Поповлы Шуньгӧ парма шӧрӧд ю Сылы сетлӧм ӧдӧн. Кытчӧ тэрмасьӧ — оз шу, Ачыс сійӧ тӧдӧ. Тёльгӧ сійӧ, вӧрлӧн ёрт, Ярлуныс оз инась. Нимтыліс, дерт, коми морт Юсӧ Тэрыб нимнас. Веськодь сылы — водз кӧть сёр. Кӧні кось, сэн шума. Зато, шонді петас кор, Юыс вильыш нюма. Кымӧртчас кӧ енэж от — Бара нюмсӧ дзебӧ. Реактивнӧй самолёт Сы весьті со лэбӧ. Самолётыс эзысь визь Колис югыд ваас. Оз мӧй тшӧтш и сійӧ видз Пытшкӧс юсӧ тайӧс? Шуйгавыв и веськыдвыв Шыбитчылӧ юыс. Аснас содтіс менсьым вын, Дышӧдчӧмӧс нуис. Сійӧ сэті, кыті кӧдж, Винтӧн гартлӧ васӧ... Со тай тэрыбмӧдӧ тшӧтш Менӧ, изьватасӧс.
