СЕТ МЕН ВЫНЙӦР...

Сет мен вынйӧр, тӧдса ёль,
Сьӧкыд висьӧм венны,
Медым олӧм эз на коль
Мустӧм рӧккӧд менӧ.

Сет мен лача, Кыдзкар чой,
Мый кузь туйсӧ вуджа,
Сэки бырас пытшкӧс дой,
Лоа на кӧть уджа.

Сет мен эскӧм, гулыд яг,
Мый тэ нэмтӧ лоан,
Мый ме бара, збой да яр,
Чужан сиктӧ воа.

Сет мен муслун, катшасин — 
Еджыд сыръя дзоридз,
Муслун ликтас шудаин — 
Ваяс муса дорӧдз.

Сет мен сямсӧ, вӧльнӧй гы,
Помӧдз мортӧн лоны,
Медым сӧмын сӧстӧм шы
Оліс-туис лолын.

Но, а шудтӧгыс ог ов — 
Сӧвет мулӧн пи ӧд.
Мед нӧ помӧдз менам лов
Ӧзйӧ колан биӧн.