КӦРТ ТУЙ ПӦЛӦНМамӧлы Кӧрт туй пӧлӧн со вӧтчӧ. Оз тай ылав, оз кеж, Кӧть и ӧдва сэн тӧдчӧ, Кыті сён, кыті веж. Со нин мыльк вылӧ кайӧ, Вутшсӧ кытшовтӧ со. Юсӧ ордымыс тайӧ Вуджӧ — пикӧ оз во. Со и поездсӧ ордйӧм: Сӧмын помасис пос — Мӧдлапӧлас нин ордым Водзӧ котӧртӧ, кос. Полустанокысь петас — Мӧдӧдз оз жӧ тӧд мат. Быттьӧ тадз эстафета Нуӧ гожӧмыс тат. Сідзкӧ, ордымыс таӧдз Ассьыс казяліс мез: Тундра мусянь Москваӧдз Эз и кольччывлы, эз. Он тай потш ни, он кут ни... Мед нӧ тэрмӧдлӧ сідз Уклад рельсъяслӧн спутник — Пода войтырлӧн визь.
