СІДЗ АРТМӦ ТШУК...Кыдз шулӧма — сідз артмӧ тшук: Он пышйы кадлӧн ӧдысь. Нёль дас — а нёль пельӧ он юк: Дас арӧй оз во мӧдысь. Мем чайтсис, дас на вӧлі кор, Мый сы дыра нин ола! А, вӧлӧм, ӧти вуджлӧмтор — Куш ӧшинювса тола. Кор кыкысь дасыс лои мем, Дыр шензьӧмӧс эг личӧд: «Со кутшӧмӧс нин вуджи нэм, А толькӧ вӧлі ичӧт!» Он казяв — арлыд содӧ век, — И тырис меным комын! «А вӧвлі кызь на, — шусис сэк, — Вот сэктӧ вӧлі томӧн!» Но гужгис-каттис кык пӧв кызь Нелямынӧд январӧй. «Эк, — вӧйпсьӧ тай, — сӧтана пызь, Кӧн том дыр — комын арӧй?» Кӧть кадлӧн абу дор ни пом, Но дас во мысьт ас пайын Бӧр шусяс: «Збыль мӧй сэтшӧм том Сэк вӧлі, дас во сайын?»
