СІДЗИ-Й ЛОЛЫН КОЛИССійӧ ёльыс, кытысь юлі васӧ, Сідзи-й лолын колис. Кыпӧдчис яр шондіа выль асыв — Быдсӧн югзис ёльыс. Изторъяс сэн, быттьӧ вазьӧм синъяс, Нюмъялісны меным, Медым ковтӧм гажтӧмлунӧй чинас, Эг нин майшась медым. Визылыс сэн шыбласис да гартчис, Изъяс вылас йӧктіс, Быттьӧ рад, мый кежи ме и татчӧ, Олыштны на тшӧктіс. Катлӧдліс и ваын джуджыд пожӧм Зарниӧдӧм юрсӧ. Тэрыб ӧдӧн визувтіс пӧсь гожӧм, Сиис мен быд бурсӧ. Веськӧді сэк горшӧс югзьӧм ванас, Ачым югді быттьӧ. Дась ме бара войвывланьӧ банӧн Восьлавны кӧть кытчӧ. «Менам Рӧдинаӧй ёна паськыд» — Важӧн сьылам тадзи, А вот, парма отыс дзебны дась кӧть, Нимтӧм ёльсӧ аддзи. Югзьӧм ёльсӧ важ блокнотам пасъя, Сэн тшӧтш медым олӧ! Чужан мулысь кушинъяс и расъяс Вуджа мыйта колӧ.
