ЧОЛӦМ, ВОКЪЯС, ЧОЛӦМ!

Чолӧм, дона вокъяс, чолӧм!
Ми быд бурсӧ сиам.
Ӧти олӧм ставным олам — 
Ӧтувтіс Россия.

Ёртасьӧм мед сӧвмӧ йӧзлӧн,
Ёнмӧ медым водзӧ!
Миян весьтын яра ӧзйӧ
Ӧти шуда кодзув.

Тайӧ шудсӧ пестіс Ленин,
Партияным сетіс,
И пермяк кӧн олӧ, сэні
Югыд шонді петіс.

Шуньгӧ тіян Иньва ӧні
Дзик выль пӧлӧс горӧн.
Сылы воча шыасьӧны
Эжва да Печора.

Орччӧн восьлалам ми ставӧн,
Могным миян ыджыд.
Ёртасьӧм — со миян слава,
Медся зумыд мыджӧд.

Юбиляръяс, олӧй-вылӧй,
Коми йӧз ми эскам:
Коммунизмыс абу ылын,
Асьным сійӧс пестам.