СТАВЫС ӦТЛАСА, БУР ВОЙТЫР!

Трёхозёрка да Трёхгорка — 
Ӧтмоз матыссаӧсь мен:
Эстӧн гӧститлі ме коркӧ,
Ёртӧс гӧститӧдлі сэн.

Кадыс кывтӧ асшӧр горӧн — 
Паметь важ, а луныс выль.
Эжва дор и Москва горув — 
Куим ты да куим мыльк.

Сэні тӧвзьӧ электричка,
Эстӧн тутсӧ теплоход.
Шудӧн сьӧлӧм вылӧ личкӧ
Вӧльнӧй мулӧн гожся от.

Ставыс ӧтласа, бур войтыр,
Ӧти миян чужанін,
Мыйысь, быттьӧ йӧзкост мойдын,
Кыптӧ лов и югдӧ син.

Сідзкӧ, водзӧ овны-вывны
Ачыс тшӧктӧ олӧм этш.
Лёксӧ кырны, бурсӧ кывны — 
Бурсӧ лэптыны на тшӧтш.

Трёхозёрка и Трёхгорка — 
Чужан мулӧн кык бур пас.
Найӧс вунӧда мӧй коркӧ?
Ме и ачым налы ас.