МИ, ВЕТЕРАНЪЯС

Гажа тулысыс ю кузя кывтӧ,
Бара кылалӧ йи.
Миян томлун эз ышнясьлы вывті,
Сійӧс кужлімӧ донъявны ми.
Ми ветеранъяс, и мог миян эм — 
Тулыскӧд ӧтарӧ мӧдны.

А кӧні да кор миян помасяс нэм — 
Та йылысь нинӧмла тӧдны.

Лышкыд гожӧмыс страдуйтӧ татӧн,
Маӧн ойдӧма луд.
Олӧм шӧрвыйӧдз кывтім да катім,
Шогыс пӧрӧдліс, лэптыліс шуд.
Ми ветеранъяс, ми тані и сэн
Лёкыслы отсалам пӧдны.
А кӧні да кор миян помасяс нэм — 
Та йылысь нинӧмла тӧдны.

Арыс зэрасьӧ улын и вылын,
Живгӧ тэныд и мем.
Ӧні арлыда йӧз ми, но кылам
Ставсӧ сійӧс, мый му вылас эм.
Ми ветеранъяс, ог бӧрыньтӧй нем,
Огӧ на кӧсйысьӧй нӧдны.
А кӧні да кор миян помасяс нэм — 
Та йылысь нинӧмла тӧдны.