СЬЫЛАНКЫВ

Сӧмын кыалӧн пӧсь сыв
Исковтіс му банӧд,
Петіс туйӧ сьыланкыв
Шондіыслы паныд.

Дзескыд сылы катыдпом — 
Мӧдлапӧлӧ вуджис.
Видзкӧд сійӧ, збой да том,
Сёрни панны кужис.

Сьыланкывлы лӧсьыд зэв
Тувсов юӧр нуны:
Кӧсйӧ сійӧ лэчыд тӧв
Пожӧм дорын суны.

Сӧмын лигышмуніс сэк,
Мелі лоис тӧлыс:
Сьыланкывлӧн выныс сэн
Тыдовтчис тай вӧлись.

И дзик некор вын да мич
Сьыланкыв оз вошты.
Оз ӧд прӧста парма видз
Сійӧс пуяс костын.