***

Волга вылын вуграсьӧны зонкаяс,
Табъясысь оз вештывлыны син.
Надеяныс ӧти войт оз чин,
Оз дэбӧд да, сьӧлӧмнысӧ ёнтӧ кӧть.

Со и ӧти лэптіс, лэптіс ёкышӧс!
Лыа вылын пессьӧ сьӧмъя лов.
Зонпоснилы быттьӧ нем оз ков —
Кыйысь дінӧ нӧбӧдӧны кокъясныс.

Ёртныслӧн бур кыйдӧс нӧшта ышӧдӧ.
Волгасьыс на паськыд челядь нюм.
Ме и тан — и ылӧ нуӧ дум:
Быдлаын ӧд чужан юяс лышкыдӧсь.

Обь и Днепр, Амур и Кама корӧны...
Вуграсьӧмыс быттьӧ сибдан йӧн —
Шатинъяса, кӧмтӧм кока йӧз
Котӧртӧны надеяӧн горулӧ.

Он тай косӧд кыйсян рутӧ. Он тай, зон!
Сьӧлӧм паныд сёрнисӧ ог пан —
Сійӧн долыд мем, мый тшӧтш и тан,
Волга вылын, вуграсьӧны зонкаяс.

Енэж улын, ӧтласаӧсь ывлакӧд,
Сулалӧны, оз корсьны мӧд гаж.
Серпасыс век выль, кӧть важсьыс важ,
Ас ногныс ӧд быдӧн мичсӧ кывлӧны.