***

Зэв ӧд туйыс Печоралӧн кузь —
Йиа саридзӧдз нуӧ сӧдз войтъяссӧ.
Садьмӧм парма и войнас оз узь,
Сэтшӧм югыдӧсь тан тувсов войясыс.

Отыс юыслӧн — вот тайӧ от!
Йӧв кодь русӧ мед кыаыс вӧтлас-а,
Сэки кажитчас, быттьӧ вот-вот
Мӧдлапӧв лоас вӧртаскӧд ӧтласа.

Арӧдз удж шыыс тані оз ор,
Ён буксиръяслы арӧдз тан горавны.
Нуӧ ас вылас сы мында тор —
Мортлы отсасьӧ миян Печораным.

Коркӧ тӧдліс бур йӧзыслысь дой,
Сэкся шоглунсӧ кылӧдліс кытчӧкӧ.
Ӧні шлывгӧ со, кыпыд да збой,
Йӧзлысь тӧждлунсӧ юкӧ тшӧтш быттьӧкӧ.