ДРУГЛЫ

Кузь туй бӧрын кутлан ичӧт питӧ:
Радлунтӧ оз чышкышт туйвыв мудз.
Топӧдлӧ нин пиыд веськыд китӧ,
Кутлынысӧ сывйыс оз на судз.

Гӧтыр петӧ кильчӧ вылӧ паныд.
Пыран гортад. Шоглун ки оз сет.
Любӧ тэд семейнӧй олӧм баныс,
Ӧшиньсайса мирыс дона тэд.

Котӧртӧ бур туйыс кильчӧ дорсянь.
Эм кӧ мог — свет помӧдзыс кӧть мун.
Шуд — ми сійӧс йӧз муысь ог корсьӧй.
Туйын, гортын — шуда быд выль лун.