КЫДЗКАР СИКТ

Кыдзкар сикт.
И югдӧдӧ кыр йывсӧ
Быгыд тӧлысь — ачыс эзысь дзик.
Сьылігтырйи ветлӧдлӧны ныв-зон,
Мед и войнас чӧвсӧ эз тӧд сикт.

Кыдзкар сикт.
Выль кыа рӧммӧ-рӧммӧ
Ылын пестӧм ыджыд бипур моз.
Коді кодкӧд войнас окасьӧма — 
Весиг катша оз на китшкы, оз.

Кыдзкар сикт.
Яр шонді вывлань кайӧ — 
Пельпомӧн моз лэптӧ сійӧс кыр,
Асывсӧ мед шонді водзджык ваяс,
Рытнас дырджык мед оз саяв-пыр.