ЭМӦСЬ ДРУГЪЯСЫД ТАН

Мирнӧй ру океан весьтын сылӧ.
Изьва юдорса коз важкодь веж...
Изьва ягъяссянь сэтшӧм тэ ылын!
Юкӧ миянӧс кымын рубеж!

Сьӧлӧм ӧдӧба пессьӧ. И тӧвзьӧ 
Мӧвпӧй тэланьӧ друг дінӧ моз.
Со тай, видзӧдтӧ, шенасьӧ тӧвсьыс — 
Быттьӧ чолӧм тэн ыстӧ том коз.

Куба, донаӧй, абу тэ ӧтнад.
Тан, Сӧветскӧй Россияын, ми
Аддзам ясыда, войсӧ кыдз вӧтлан,
Кыдзи пиыдлӧн выныштчӧ ки.

Гӧра йывті пӧсь шондіыс тюрӧ,
Сылы тэкӧд, дерт, мустӧм оз ло.
Гӧгӧрвоам ӧд, донаӧй, бура,
Кодлы тэ сьӧлӧм вылас он во.

Но мый торкасьӧ кок улад — венан.
И ог весь татшӧм сёрнияс пан:
Эм Свободалӧн Армия тэнад.
Эм Фидель. Эмӧсь другъясыд тан.