***

Прӧщайтӧй, комсомольскӧй вояс!
Ог сэсся паныдасьлӧй ми.
Мен немла дзебны сьӧлӧм дойӧс.
Но, томлун, тэныд ог сет ки:

Мен водз на янсӧдчыны тэкӧд,
Ме ордысь пышйыны тэн водз.
Мед вояс мунӧны — но век ӧд
Ас мулӧн дона дзик быд содз.

Эн элясьӧй ті, югыд вояс,
Мый пані мӧд сикас мотив.
Страна! Со коді светсӧ койӧ,
И сытӧг ті йылысь ог сьыв.

Странаӧй кодзувъясӧдз кайис.
И тайӧн лоис ещӧ том.
Ми шудсӧ сылы асьным ваям.
Тэн, томлун, сідзкӧ, абу пом.

Ог ов ме ӧти лунся дойӧн
Ас пилӧн бать — ас мулӧн пи.
Прӧщайтӧй, комсомольскӧй вояс!
Он вермӧй некор вунны ті.