МЫЙЫН ШУДЫС...


Олӧмыд тай зэв ӧдйӧ и кольӧ да,
Недыр кежлӧ сійӧс он на надзмӧд,
Луныс мунӧ, воыс помлань колльӧдӧ,
Бур олӧмсӧ весиг он и аддзыв.

Кутан лача, шудтӧ век тай виччысян,
Сійӧ мыйкӧ век ӧд бокті мунӧ,
Воас асыв, шонді бара мыччысьӧ,
Со и ачыд визулас тай сунан.

Мыйын шудыс тайӧ мувыв олӧмас?
Уна сьӧмын, озырмӧмын  сійӧ?
Олӧм помад кодлы ставыс ковмас?
Гуад сьӧрсьыд он на босьт ӧд сійӧс.

Миян шудным, чайта, сӧмын муслунын,
Дзик ӧд сійӧ олӧмас и кутӧ,
Сьӧлӧмад ӧд муслун би оз куслы на,
Тайӧс тӧда ачым ме, кыв шутӧг.

Быд дорӧ кӧ лоан шаньӧн, сибыдӧн,
Эм кӧ тэнад йӧз дорӧ шань кылыд,
Сьӧвмаыд ӧд кывлысяс тэд небыда,
Сылӧн кывйысь сьӧлӧмыд нач сылӧ.

Олан кадыд зэв и ӧдйӧ восьлалӧ,
Здук-мӧд кежлӧ сувтлыны оз эшты,
Шань-бур кывъяс туй вылын эн вошталӧй,
Бӧрлань кадсӧ он на бара-й вешты.