ОВСЬӦМА-ВЫВСЬӦМА


Миянлы нинӧмла быттьӧкӧ лӧгавны,
Миянлы нинӧмла быттьӧкӧ лёкавны,
Миянлӧн быттьӧкӧ овсьӧма-вывсьӧма,
Бурыс и лёкыс быттьӧкӧ кывсьӧма.

Кодікӧ ми вылӧ небыда видзӧдӧ,
Кодікӧ, мӧдарӧ, сьӧлӧмтӧ изйӧдӧ,
Быттьӧкӧ олігчӧж ёна эг пессьылӧй.
Быттьӧкӧ удж бертіг вывті эг ноксьылӧй.

Мыйла и свет вылас петлӧмыд-чужлӧмыд…
Мыйсӧ и олігад вӧчнысӧ кужлӧмыд…
Нэм чӧжыд ноксян и, мырсян, век уджалан.
Мыйта и дыр кежлӧ нэмыд на нюжалас?

Олӧмсӧ Енмыс и сетлӧма быттьӧкӧ,
Сэсся и быдӧнсянь шаньлунсӧ виччысьӧ.
Сӧмын тай мортыд оз на и сяммӧдчы,
Ыждалӧ Му вылас, оз на ляпкӧдчы.