* * *

Кутшӧм ӧдйӧ кадыс кольӧ:
Вӧлі асыв, со нин рыт,
Быттьӧ кад серти ог олӧ,
Ог вӧдитӧ сылысь гыд.

Кутшӧм ӧдйӧ кадыс кольӧ:
Неважӧн на вӧлін том,
Мый вылӧ и эськӧ олан…
Видзӧдан да, матын пом.

Кутшӧм ӧдйӧ кадыс кольӧ:
Сылысь ог тай тӧдӧй дон.
Грексӧ вӧчны ог тай полӧй…
Уналӧн тай варов вом.

Кадсӧ донъявны ог кужӧй,
Быдӧнлӧн оз тырмы сям,
Мӧдысь Му вылас ог чужӧй,
Кыкысь ог олӧй ми тан.

Грекыс чӧжсьӧ зэв и уна,
Быдӧнлӧн ӧд тырмӧ мыж,
Но ӧд мыжыс ставлӧн вунӧ,
Мӧвпавны та йылысь дыш.

Енмыс водзын ковмас сувтны,
Шуны Сы водзын кыв-мӧд,
Пон моз он кут, гашкӧ, увтны,
Тайӧс бура, мортӧй, тӧд.

Енмыс ставсӧ аддзӧ-кылӧ,
Сылӧн шуӧмысь он мын,
Енмыс кӧть и зэв ӧд вылын,
Сылӧн медся ыджыд вын.