* * *

Медводдза муслуныд некор оз вун.
Ас серти тайӧс ме тӧда.
Томдырся муслуныд ӧні быд лун
Кажитчӧ мичаник вӧтӧн.

Некодӧс пӧръявны ог кӧсйы ме,
Шуа кӧ: кольӧмыс вунӧ,
Дум вылад усьлӧ шуд-гажыс мен,
Кадыс тай зэв ӧдйӧ мунӧ.

Медводдза муслуныд некор оз вун,
Сійӧс век сьӧлӧмын видза,
Гусякодь мӧвпъясад некод оз сун,
Медводдза муслуныд мича.

Медводдза муслуныд сыӧн и бур:
Сӧстӧма сьӧлӧмад пырӧ,
Медводдза муслуныд кольмӧдӧ юр,
Йӧлӧга сылӧн нэм кылӧ.