ПУД СОВ


Медым бура тӧдмавны мортӧс,
Колӧ ӧтвылысь сёйны пуд сов,
Сьӧкыд аддзыны сэтшӧм ёртӧс,
Коді тэ вӧсна сетны дась лов.

Медым сылӧн вын-сямыс тырмис
Тэкӧд, йитчас да, овны нэм чӧж,
Медым сьӧкыдлун вуджны вермис,
Медым тэ вылӧ лӧгсӧ эз чӧж.

Ӧтвыв олӧмыд абу кокни,
Венны ковмылӧ зэв унатор,
Ӧтув олӧмтӧ вермас торкны
Тэныд завидьтысь медматыс ёрт.

Ог тӧд, мыйта ми сёйим нин совсӧ,
Сӧмын олігчӧж тӧдмалі ме,
Меным верӧскӧд бура тай овсьӧ,
Сійӧ медшаньӧн кажитчӧ мен.