СТИХЫД БУШКОВ МОЗ ВОӦ


Стихыд, ӧд кыдзи стихия,
Юрад век виччысьтӧг воӧ,
Ловтӧ на босьтӧ ӧд сійӧ,
Нач нин ӧд бушков кодь лоӧ.

Стихыд ӧд, кыдзи стихия,
Кутчысьӧ кабырнас ёна,
Веськалан кыв чукӧр пиӧ,
Сэки быд кывйыс и дона.

Стихыд ӧд, кыдзи стихия…
Кор на тэ сыысь и мынан…
Босьтан тай ручкатӧ киад,
Бушколыд-тӧлыд — зэв вына.

Артмасны кывбуръяс сэсся,
Лӧньӧдчан, шойччыны колӧ,
Сьӧлӧмыд бара на пессьӧ,
Бушколыс тӧдлытӧг волас.

Стихыд, ӧд кыдзи стихия,
Гижысьӧс оз на и вунӧд,
Видзӧдан, бара нин сійӧ
Гижысьлӧн мӧвпъясӧ сунӧ.