СТАВЛЫ — ШУД


Кӧсъя ставлы ме бур олӧм,
Кӧсъя быдӧнлы ме шуд,
Ставлы бура тӧдны колӧ,
Енмыс лёклы вӧчас суд.

Нылӧйлы ме шаньсӧ кӧсъя,
Бабӧн шуысь оз жӧ вун,
Найӧ — менам дона гӧсьтъяс,
Тӧждыс на вӧсна — быд лун.

Кӧсъя, мед эз тӧдны найӧ,
Мыйся овлӧ тыш да кось,
Мыйта шоглун тышыс вайӧ,
Мый войнаыс овлӧ ёсь.

Уна шогсӧ-дойсӧ вайис
Водзті вӧвлӧм Ыджыд тыш,
Уна кар ӧд тшынйыв кайис,
Вӧрӧгыд ӧд эз вӧв дыш.

Мед жӧ шонді шонтӧ Мусӧ,
Мед Му вылын лоас мир,
Мед жӧ ставлы шудыс усьӧ,
Мед оз киссьы тышын вир.

Ставлы кӧсъя ме бур олӧм,
Ставлы кӧсъя тыр-бур лад,
Мирсӧ видзны бура колӧ,
Мед став Муным лоис сад.