СЕТӦМА ТАЙ ЕНМЫС ВОМ...


Енлысь отсӧг сійӧ корӧ,
Мед нин чышкас сылысь мыж,
Век жӧ  мыйкӧ йӧзлы сӧрӧ,
Аньлӧн кывйыс абу ныж.

Быдӧнӧс тай тӧдӧ сійӧ:
Ӧти — сюсь, а мӧд пӧ — йӧй,
Кодкӧ — дыш, а кодкӧ — вийӧс,
Сӧмын ачыс быттьӧ вӧй.

Асьсӧ  пуктӧ вывті вылӧ,
Сӧмын оз тӧд ӧтитор:
Енмыс ставсӧ аддзӧ-кылӧ,
Но и бызгыны оз сор.

Мед пӧ мортыс бызгӧ-сӧрӧ,
Сетӧма ӧд сылы вом,
Вомыс кӧть и ёна вӧрӧ,
Но и сылы воас пом.

Енлӧн шуӧмысь код мынас…
Сылӧн Кывйыс — вына-ён,
Коді Сылы паныд сынӧ,
Вичмас сэтшӧм жӧ и дон.