* * *

Сьылан гижа муслун йылысь,
Некыдзи оз артмы,
Оз сюр мича, мыла кылыс,
Сувтасны кӧть артӧн.

Казьтывны ӧд томдыр кадӧс
Некоді оз сорась.
Ачым ассьым ог торк ладӧс,
Муслун сьылан кора.

Радейтчылі жӧ ӧд водзті,
Сьӧлӧм муслун кыліс,
Ачым биын быттьӧ сотчи,
Муслун сьылан сьылі.

Муслун вылын быдсӧн Муыс,
Сійӧ мирсӧ видзӧ, —
Тайӧс ачыс Енмыс шуис, —
Муслуныд оз личав.

Муслун быд сьӧлӧмын олӧ,
Муслун — миян йылӧм.
Найӧс лӧгысь видзны колӧ
Быдӧнлы, став мирӧн.

Гижа сьылан муслун йылысь,
Мыла кывъяс корся,
Медым сійӧс быдӧн сьылас,
Кӧть мед выль, кӧть корся.