СЮСЬ КЫВБУРАЛЫСЬ


Кодлӧн сьӧмыд эм,
Сійӧ, дерт, и ыджыд,
Кодлӧн сюсьлун эм,
Сійӧ, дерт, и джуджыд.

Ӧти гижысь асьсӧ
Ёна оз и уджӧд,
Кывбуръяс лӧсьӧдіг
Юрыс век тай мудзӧ.

Кодкӧ кӧ отсалас,
Небӧг на петас,
Сӧмын тай отсӧгсьыд
Сьӧм сылы сетас.

Кодлӧн сьӧмыд эм,
Садьмас на поэтӧн,
Кодлӧн сюсьлун эм,
Нималысьӧ петӧ.

Отсӧгтӧг кӧ колян,
Оз артмы кывбурыс,
Гижысьлӧн ӧд омӧля
Уджалӧ и юрыс.

Со и отсӧг корӧ,
Мед нин кодкӧ волас.
Синва киссьӧ шорӧн:
Отсасьысь эз и волы,

Сідзкӧ, тайӧ бур,
Сідзкӧ, тадз и колӧ,
Мед жуглӧ ассьыс юр,
Да ас сямнас олӧ.