ӦБИДА ОГ КУТНекод вылӧ ме ог лёкав, Дай ӧбида ог кут дыр. Но ӧд быдӧнӧс он окав, Сьӧлӧм шаньлунӧн кӧть тыр. Кодкӧ сьӧлӧмтӧ на дойдас: Мустӧм кывйыд тай век эм, Ловйыд ӧбидасьыс ойдас, Быттьӧ бытшкис сійӧс ем. Некод вылӧ ме ог лёкав, Да и ачыс тӧдӧ Ен: Лёкыс лёклысь син оз кокав, А шань йӧзыс век жӧ эм. Аслам шаньлун кутӧ менӧ, Лёк вӧчысьлы кӧсъя шуд, Бурыс лёксӧ, гашкӧ, венас, Но быд водзын — Енлӧн суд.
