СТАВЫС ЕН САЙЫН


Висьӧмыд тай оз и юав,
Мортыс пӧрысь али том,
Кыдзи Енмыс ачыс шуас,
Сэк и воас мортлы пом.

Кодкӧ му вылас дыр олӧ,
Мӧдлӧн зэв тай дженьыд нэм,
Вӧлӧм, ставлы тӧдны колӧ:
Дыр олысьсӧ бӧрйӧ Ен.

Быдӧн кӧсйӧ зэв дыр овны,
Та вылӧ век надей эм,
Сӧмын сыысь колӧ повны,
Кутшӧм дон тэд сетас Ен.

Енмыс сетӧ кад сы вылӧ,
Медым гӧгӧрвоис морт,
Мый быд ловйыс лоас Сылӧн,
Мый ӧд Енмыс — ставлы ёрт.

Код оз пукты Енсӧ пыдди,
Коді Сыысь оз и пов,
Коді асьсӧ бурӧн лыддьӧ,
Сійӧ Енлы — мустӧм лов.

Мыйла олӧм овлӧ дженьыд:
Тайӧс тӧдӧ сӧмын Ен,
Уджалӧ кӧ на юр вемыд,
Енсӧ эн тэ вунӧд, эн!